టైటిల్ చూసి ఈ పాటికి మీకు అర్ధమయ్యిఉంటుంది..కాబట్టి టైటిల్ గురించి నో ఉపోద్గాతంస్…డైరెట్టుగా మేటర్ లోకి వచ్చేస్తా…..
రెండు వారాల ముందు అనుకుంటా…
వన్ సాటర్డే….
ఆ వారం లో మిస్సయిన ఎపిసోడ్ల రీ టెలికాస్ట్లు చూస్తూ ఉన్నాను…
సినిమాలు ఏం వస్తాయో అని అలా వరసగా ఛానెల్స్ తిప్పుతోంటే…అప్పుడే ఒక సినిమా జూం ఛానెల్లో మొదలయ్యింది…
టైటిల్ చూస్తే 1920….అరె ఈ సినిమా చాలా రోజుల నుంచి చూడాలనుకుంటున్నాం కదా…ఇప్పుడు చూద్దాము..అని కూర్చున్నా…అరగంట చూద్దాము…బాలేకపోతే వెళ్ళి పడుకుందాం అని సినిమా చూడ్డం మొదలెట్టా..
ఆల్రెడి హారర్ సినిమా అని తెలుసు….ఒక్కటే చూడాలంటే కొంచెం భయమేసింది…కానీ సినిమా మధ్యాహ్నం వేసాడు చూసేవచ్చులే అని అనిపించింది…
యాక్చువల్లీ రాత్రి,మరికొన్ని దయ్యం సినిమాలు ఇంట్లో వాళ్ళందరితో చూసి అలవాటవడం వల్ల ఒక్కటే చూడాలంటే భయమేసేది… ఎప్పుడైనా అలా హారర్ సినిమాలు చూడాలని అనిపిస్తే మా ఇంట్లో ఒక బాచ్ని రెడి చేసుకునేదాన్ని తోడుగా…వాళ్ళు రెడిగా లేకపోయినా ఆ సినిమా గురించి ఏదొ ఒకటి ఊదరగొట్టి..ఆ సినిమా బెమ్మాండం గా ఉంటుంది..ఎంత థ్రిల్లింగా ఉంటుందో తెలుసా..మనం చూద్దామని చెప్పి వాళ్ళని రెడి చేసేదాన్ని..
ఓ సారి ఏమయ్యిందంటే…ఓ అరవ డబ్బింగ్ సినిమా యాడ్ చూసా..చూస్తే ఏవో ఆత్మలు..మాంత్రికులు గట్రా ఉంది…అరరె ఇది కూడా ఏదో హారర్ సినిమాగా ఉంది,ఇంటెరెస్టింగ్ గా ఉంది….కాని మనకి బాచి లేదే…ఇప్పుడేం చెయ్యాలని ఆలోచించా…
అమ్మ దగ్గరకి పిల్లలు ట్యూషన్ కి వచ్చేవాళ్ళు…
ట్యూషన్ అయ్యాక…మీకొకటి తెలుసా..రేపు టి.వి లో ఒక దయ్యం సినిమా వేస్తున్నారు…యాడ్ సూపర్ గా ఉంది…రేపందరం మనం ఇంట్లో చూద్దాము..మీరు వస్తారా అని అడిగా…సినిమా గురించి బోలెడంత బిల్డప్ ఇవ్వడం వల్ల వాళ్ళు వస్తామని ఒప్పుకున్నారు…అలాగే సేం టు సేం మా రాక్షసి కి, అమ్మకి చెప్పడంతో వాళ్ళూ ఒప్పేసుకున్నారు…
అనుకున్నట్లుగానే ట్యూషన్ ఫ్రెండ్స్ వచ్చారు.. ఒక ఐదారు మంది తయారయ్యాము సినిమా చూడ్డానికి…. మధ్యలో తినడానికి చిరుతిండ్లూ తెచ్చుకుని పెట్టుకున్నాము…
సినిమా మొదలయ్యింది…దయ్యం రాలేదు…సర్లే మధ్యలో వస్తుందిలే అని అనుకున్నాను..ఇంటర్వెల్ కి రాలేదు..ఇదేం సినిమా ఇంతవరకు అసలు దీన్ని చూపీలేదు అని విసుగు వస్తోంది..మా ట్యూషన్ ఫ్రెండ్స్ నన్ను ఎగా దిగా చూట్టం మొదలెట్టారు..నాకేమి తెలుసు యాడ్ భయానకం గా చూపించారు,ఇప్పుడు కాకపోతే ఇంకొంచెం సేపు తరువాత వస్తుందిలే….మిగతా సినిమా చూడండెహె అని కవర్ చేసి కళ్ళు మూసుకున్నాను…
ఆ తర్వాత కరెక్టుగా క్లైమేక్స్ కి కళ్ళు తెరిచా..అప్పటికి గానీ దయ్యం రాలేదు..వచ్చినా ఎంతసేపు ఉందనుకున్నారు.. ఓ 10 నిమిషాలు కూడా ఉండలేదు..ఇంతలోపల అమ్మవారు ఆవహించిన వీరోయిన్ వచ్చి దయ్యాన్ని చంపేసి దుష్ట శిక్షణ శిష్ట రక్షణ చేసేసింది…
సినిమా అయ్యాక ఫ్రెండ్స్ నీకో దండం నీ సినిమాకో దండం తల్లీ,మమ్మల్ని వదిలెయ్యి…మిస్ మాకు తలనొప్పిగా ఉంది ,ట్యూషన్ కి రేపొస్తాము అని అమ్మతో చెప్పి వెళ్ళిపోయారు.అప్పటి వరకు కాం గా ఉన్న మా అమ్మ కొట్టడమొక్కటే తక్కువ… 🙂
అప్పటినుంచి బాచిలు ఫాం చేయకుండా…ఏదో అలా మధ్యాహ్నాలు మా తాతగారు,నాన్నమ్మ నిద్రపోతోంటే టి.వి సౌండ్ చాలా తక్కువలో పెట్టుకుని సినిమా చూసేదాన్ని…(హారర్ సినిమా వస్తే )
1920 కథ ఆల్రెడి తెలిసిందేలే ధైర్యం గా చూసేద్దాంలే అని తోడుకి మా వారిని పిలవలేదు…కొద్ది సేపయ్యక తనే వచ్చారు చూడ్డానికి…గంట తరువాతెళ్ళి పడుకుందామనుకున్న నేను…సినిమా మొత్తం చూసాను ….కాకపోతే 2 గంటల సినిమా ని 4 గంటలు వేసి చావకొట్టారు ఆ ఛానెల్ వాళ్ళు…
ఇప్పుడు కథ విషయం లోకి వస్తే….
కథారంభం 1920 లో,ఎండింగూ 1920లోనే …
అర్జున్ ఆంజనేయ స్వామి భక్తుడు…రోజూ స్వామి వారిని దర్శించుకుని హనుమాన్ చాలిసా చదవందే ఏ పని మొదలెట్టడు.ఆంగ్లో ఇండియనైన లీసాని ఇష్టపడిన అర్జున్ తన తల్లిదండ్రులని ఒప్పించి పెళ్ళి చేసుకుందామని అనుకుంటాడు.అర్జున్ బంధువులు దానికి ఒప్పుకోక లీసాపై హత్యాయత్నం చేస్తారు.వారినుండి లీసని కాపాడి తనవాళ్ళని ,దేవుని పై ఉన్న నమ్మకాన్ని వదిలి తనని పెళ్ళి చేసుకుంటాడు.
ఆర్కిటెక్ట్ ఐన అర్జున్ కి పాలంపూర్ లోని ఒక హవేలి ని హోటల్ గా మార్చే కాంట్రాక్ట్ వస్తుంది.ఆ పనిపై పాలంపూర్లోని హవేలికి అర్జున్,లీసా వెళ్తారు.ఆ హవేలికి వచ్చిన లీసాకి కొన్ని సంఘఠనలు ఎదురవ్వడంతో ఆ ఇంట్లో పని చేసే అతన్ని ఈ విషయం అడుగుతుంది.తనకేమి తెలియదు అంటూ అతను వెళ్ళిపోతాడు.
తన భయాన్ని అర్జున్ తో చెప్పగా అదంతా తన భ్రమ ని కొట్టిపడేస్తాడు.ఆ ఊళ్ళోని చర్చ్ ఫాదర్ ని కలిసిన లీసా హవేలి లో జరుగుతున్నది చెప్పి,హవేలికి రమ్మని అడుగుతుంది.ఆ హవేలి కి వచ్చిన చర్చి ఫాదర్ కి అక్కడ స్ట్రాంగ్ ఇవిల్ ప్రెసెన్స్ ఉందన్న సంగతి అర్ధమవుతుంది.ఆ రోజు రాత్రే ఫాదర్ పై హత్యాయత్నం జరుగుతుంది.
ఇంతకీ ఆ హవేలిలో ఉన్నదెవరు..లీసా కి దానికి ఏమిటి సంబంధం?చర్చి ఫాదర్ పై హత్యాయత్నం ఎందుకు జరుగింది? లీసా,అర్జున్,చర్చ్ ఫాదర్ ఏమయ్యారు? అనేది మిగతా కథ…
ఈ కథ చదివి మీకు చాలా కథలు గుర్తొస్తే నేనేం చేయలేను…
రాజ్ సినిమా తీసిన విక్రం భట్ ఈ సినిమా కి దర్శకుడు…ఆ తరువాత తన దర్శకత్వం లోనే “హాంటెడ్” అని ఇంకో సినిమా వచ్చింది.మా కలీగ్స్ అందరు బాగుందని చెప్పారు….నేనింకా చూళ్ళేదు…చూసి తప్పకుండా టపా వేస్తాలేండి..డోంట్ వరి … 🙂
మంచి సౌండ్ సిస్టంలో చూసుంటే సినిమా బాగుండేది…ఇంట్లో ఆ ఎఫెక్ట్ లేకపోవడం వల్ల నాకు భయం అనిపించలా…మధ్యలో పాటలు వచ్చి నన్ను నిద్రపుచ్చింది….సినిమాలో ప్రత్యేకం గా గ్రాఫిక్స్ వర్క్ చేసినట్లనిపించకుండా..సహజంగా ఉండేలా స్పెషల్ ఎఫెక్ట్స్ చేసారు…
వీరో,వీరోయిన్లు కొత్తవాళ్ళు…వీరోకన్నా,వీరోయిన్ బాగా చేసినట్లు అనిపించింది…
సినిమా మొత్తం చూసి ఆనక వేడిగా ఓ స్ట్రాంగ్ బోర్న్ విటా తాగాక తలనొప్పి తగ్గింది…సినిమా వల్ల వచ్చిందనుకునేరు…మధ్యాహ్నం నిద్ర ఆపుకుని చూడ్డం వల్ల వచ్చిన నొప్పి అది…
హమ్మయ్య, రెండు వారాలుగా అనుకుంటున్నాను..దీని పై పోస్టు వేద్దామని..ఎట్టకేలకు వేసేసా…1920 కథ చెప్పేసా… 🙂
ఇంద్రధనస్సు 
హహహ మీ అమ్మగారి ట్యూషన్ పిల్లల బ్యాచ్ ఎపిసోడ్ బాగుంది 🙂
🙂 థాంక్సండీ…
స్నిగ్ధ గారు.మొతానికి దయ్యం సినిమాలు అలవాటు చేసుకున్నారు మంచిదే…!
మంచి ధార లాగ సాగుతుంది మీ టపాలు…!
ధన్య వాదాలు మీకు …
విరించి గారు,చాణ్ణాళ్ళయ్యింది బ్లాగులో కామెంటి..అంతా కుశలమేనా…
మీకు టపా నచ్చినందుకు ధన్యవాదాలు….:)
వాళ్ళు రెడిగా లేకపోయినా ఆ సినిమా గురించి ఏదొ ఒకటి ఊదరగొట్టి..ఆ సినిమా బెమ్మాండం గా ఉంటుంది..ఎంత థ్రిల్లింగా ఉంటుందో తెలుసా..మనం చూద్దామని చెప్పి వాళ్ళని రెడి చేసేదాన్ని :))))
నాకు కూడా దెయ్యాలు సినిమాలు భలే ఇష్టం
ఈ సినిమా పర్లేదు బానే ఉంటుంది
చివరగా
మీ గురువర్యులు కోసం grudge 2 సినిమా చూడగలరు మీ బాచ్ తో కలసి నిజంగా బావుంటుంది.
రివ్యూ తప్పకుండా రాస్తారు ఇది నిజం
గురువుగారు…బహుకాల బ్లాగు దర్శనం…
టపా నచ్చినందుకు థాంక్స్…
సినిమా చూడొచ్చు కానీ ఇప్పటికిప్పుడు బాచి దొరకాలంటే కష్టమండీ..ప్రయత్నిస్తా…:)
ఏదో దెయ్యం సినిమా చెప్తున్నారు కదా.. రాత్రికి డౌన్ లోడ్ పెట్టేద్దామ్ అనుకొని ఇప్పటి నుండే భయపడుతుంటే… సినిమా స్టోరీ నాచేత చదివించేస్తారా?
నాకూ దెయ్యాలంటే బాగా ఇంట్రెశ్ట్ అండీ.. గ్రెడ్జ్, లాంటివి కాకుండా నిజంగా భయపెట్టే సినిమాలు నాలుగు ఇలా పడేయ్యండి చెప్తా 😉
నూతన సంవత్సర శుభాకాంక్షలతో..
రాజ్ గారు, మీరూ మరీనూ…ఇది మరీ అంత భయం గా ఏమి ఉండండి…:) గ్రడ్జ్ కథ మొన్న నెట్ లో చదివి భయం వచ్చేసింది…చూడాలంటే ఓ పేద్ద బాచిని రేడి చేసుకోవాలి…భయపెట్టే సినిమలంటే ఇక మా గురువుగారినే అడగాలి మరి…:)
ఏమిటి స్నిగ్ధ గారు
అక్టోబర్ తర్వాత టపా లేకపోవుటయా :((((
ఏదో ఒకటి రాయాలని లేకపోతే ఒక సినిమా చూసినా రివ్యూ రాయాలని డిమాండ్ చేస్తున్నాం
గురువు గారు,మీరు ఇలా అడుగుటయా…ఏమి నా భాగ్యము…ఎందుకు గాప్ వచ్చిందాన్ని మీద టపా మొదలెట్టా..త్వరలోనే పోస్ట్ చేస్తాను అని మనవి చేసుకుంటున్నాను…:)
నేను నా శిష్యుల కామెంట్లను వినమ్రముగా స్వీకరించి ఆనందము పొందుతుంటే
శిష్యులు ఆ ఆనందము కోల్పోవుట అనైతికం మరియు అస్పష్టము కూడానూ
నేను ఈ ఘోస్ట్ పోస్ట్ మొన్నే రాసారు కదా అని చూచి ఆ పోస్ట్ డేట్ చూసి అవుట్ డేట్ అయిపోతే
ఈ గురూజీ మనసు క్షోభించి ఇలా జవాబు ఇచ్చితిని
అక్టోబర్ తర్వాత మార్చ్ అంటే ఇలా ఉంటుంది అని అనుకోలేదు శిష్యా
సమయం ఆసన్నము అయినది సత్వరము పోస్ట్ రాయుట మొదలు పెట్టుడి
ఆల్ ది బెస్ట్
ఆశీస్సులు 🙂